I dyshuari mashkull kosovar është ndaluar nga njësiti policor pasi kishte hyrë në mënyrë ilegale nga teritori i Maqedonisë së Veriut në atë të Kosovës.
Raporti 24-orësh i Policisë së Kosovës bën të ditur se përgjatë kontrollimit, të dyshuarit i është gjetur dhe seksuestruar armë një me nëntë fishekë.
“Njësiti policor te ura e gurit ka ndaluar të dyshuarin mashkull kosovar për shkak se në mënyrë ilegale në këmbë nga territori i Maqedonisë së Veriut ka hyrë në territorin e Kosovës. Gjatë kontrollit, në trup te i dyshuari, njësiti policor ka gjetur dhe sekuestruar një pistoletë me nëntë fishekë”, thuhet në raport.
Bëhet e ditur se në konsultim me prokurorin, lënda e rastit është proceduar në procedurë të rregullt dhe i dyshuari është liruar.