Është arrestuar një person në Han të Elezit, nën dyshimin se ka tentuar të korruptojë me 50 euro një polic, me qëllim që të kalojë kufirin me dokumente të pavlefshme.
Kështu është bërë e ditur në raportin 24-orësh të policisë.
Pas intervistimit nga prokurori, i dyshuari është liruar dhe rasti shkon në procedurë të rregullt.
Rasti është iniciuar si “dhënie e ryshfetit”.
“Është shoqëruar në stacionin policor i dyshuari mashkull kosovar, pasi i ka ofruar ryshfet 50 euro zyrtarit policor për të kaluar kufirin me dokumente jovalid. Me vendim të prokurorit pas intervistimit i dyshuari është liruar dhe rasti shkon në procedurë të rregullt”, thuhet në raport.