Trafikut Urban në Prishtinë pritet që t’i shtohen edhe 30 autobusë të rinj, ka njoftuar kryetari i Prishtinës, Përparim Rama.
Sipas të parit të kryeqytetit, gjashtë nga këta 30 autobusë do të jenë elektrikë.
Në një postim në Facebook, Rama ka thënë se kjo do t’i përmirësojë shërbimet e ofruara për qytetarët.
“Shumë shpejt flotës së Trafikut Urban do t’i shtohen edhe 30 autobusë të rinj, 6 prej të cilëve do të jenë elektrik. Kjo do të përmirësojë tutje shërbimet e ofruara për qytetarët”, shkroi ai.
Po ashtu, Rama ka theksuar se rreth 10 mijë udhëtarë po përdorin autobusët e “Trafikut Urban”.
“10.000 udhëtarë më shumë po përdorin autobusët e “Trafiku Urban”, si rezultat i vendimit të marrë në muajin janar të këtij viti për përdorimin e biletës ditore”, shtoi më tej ai.