Ambasada e Republikës së Kosovës në Austri ka njoftuar se në koordinim të ngushtë me familjarët e viktimave dhe autoritetet kompetente austriake, janë përmbyllur të gjitha procedurat lidhur me rastin tragjik të së martës ku humbën jetën tre punëtorë kosovarë.
Sipas njoftimit të Ambasadës, trupat e pajetë të Asllan Musliut, Istref Zekajt dhe Pajtim Bajramit, janë nisur sot pasdite për në Kosovë, njofton Dukagjini.
Mes tjerash, Ambasada e Kosovës në Austri sërish ka shprehur ngushëllimet më të sinqerta për familjet e të ndjerëve, të afërmit e tyre dhe për të gjithë ata që janë prekur nga kjo humbje tragjike.
“Trupat e pajetë të shtetasve tanë, Asllan Musliu, Istref Zekaj dhe Pajtim Bajrami, janë nisur sot pasdite për në Kosovë. Në këto momente të vështira, shprehim edhe një herë ngushëllimet tona më të sinqerta për familjet e të ndjerëve, të afërmit e tyre dhe për të gjithë ata që janë prekur nga kjo humbje. Njëherazi, shprehim mirënjohjen tonë për bashkatdhetarët tanë, të cilët, me interesimin dhe gatishmërinë e tyre për të ndihmuar, treguan solidaritet në këto momente të vështira”, thuhet në njoftim.
Tragjedia në Vjenë, MPJD: Jemi në koordinim me familjet për kthimin e trupave në Kosovë