Trajkoviq njofton se vajza iu ndalua sërish në aeroportin e Beogradit

Rada Trajkoviq, politikane

Kryetarja e Lëvizjes Evropiane të serbëve të Kosovës, Rada Trajkoviq njëherësh këshilltarja e ministrit të Qeverisë së Kosovës, Nenad Rashiq, ka bërë të ditur se vajza e saj është ndaluar sërish në Aeroportin e Beogradit.

Përmes një postimi në Twitter, Trajkoviq ka thënë se historia e diskriminimit të familjes së saj nga autoritetet e Serbisë intensifikohet.

“Historia e diskriminimit të familjes sime intensifikohet: liria e vajzës së vogël u kufizua sërish përkohësisht sot në aeroportin e Beogradit kur u kthye në MB. Këtë herë ajo nuk lejohet as të përdorë telefonin dhe të kontaktojë departamentin konsullor nën kërcënimin e konfiskimit”, ka shkruar ajo.

Trajkoviq, ndër të tjera, ka treguar procedurat se si është maltretuar vajza e saj teksa ka thënë se “represioni në Serbi po rritet”.

“Ajo u lirua pasi u mbajt në një dhomë të vogël, ku priste një telefonatë nga MPB-ja dhe BIA nëse duhet të lirohet apo të merret në pyetje si “person me interes sigurie”. Një qytetar privat që nuk jeton në Serbi dhe nuk merret me politikë. Represioni në Serbi po rritet”, ka vijuar ajo.

Ndryshe, më 23 mars, Trajkoviq kishte bërë të ditur se autoritetet serbe ia kishin ndaluar vajzën në aeroportin e Beogradit.

“E gjithë familja është në njëfarë liste” – Vajza e Rada Trajkoviqit ndalohet në aeroportin e Beogradit

Shija e redaktorit

Zgjedhjet lokale, nesër intervistohen mbi 50 mijë qytetarë për Exit...

Zgjedhjet lokale që do të mbahen nesër në 38 komunat e vendit do të shënojnë një rekord historik sa i përket Exit Poll-eve. Në kuadër...

Debati për Prishtinën, paratë e mbledhura nga mesazhet në Debat...

Mbrëmë studio e Debat Plus ishte nikoqire e debatit më të madh e vendimtar në kuadër të garës për zgjedhjet lokale në Prishtinë. Kundër kandidatët...

Mijëra dronë “Skydagger” mbërrijnë në Prishtinë, njofton Kurti: FSK po...

Kontejnerë që mbajnë mijëra dronë luftarakë kamikazë të markës Skydagger mbërritën sot në Aeroportin Ndërkombëtar “Adem Jashari”, njoftoi kryeministri në detyrë Albin Kurti. Sipas Kurtit,...

Të fundit nga rubrika