Logopedia Elona Mëziu-Ritari e ftuar në emisionin “Rreth e Rrotull” në Rtv Dukagjini ka treguar më shumë rreth çrregullimeve të folurit dhe të zërit.
Mëziu-Ritari përvojën e saj në fushën e logopedisë e ka filluar në Kosovë, e më pas sa i përketë çrregullimeve të zërit tek fëmijët dhe të rriturit e ka vazhduar në Shtetet e Bashkuara të Amerikës (SHBA), arsyeja ishte nevoja e madhe në vend sa i përketë kësaj fushe.
Sulmet e trurit, sëmundjes e zemrës, gëlltitja pas sulmeve apo pas lëndimeve traumatike të trurit pas aksidenteve, janë motivet kryesore qe e specializoi këtë fushë.
Simptomat e çrregullimeve të zërit janë: lodhja e madhe, ndryshimi i kualitetit të zërit, ngjirja e zërit 2-3 javë dhe refluksi problem i cili vjen nga lukthi.
Trajtimi i këtyre simptomave sipas Mëziu-Rtarit bëhet me lojra tek fëmijët, “në shtëpi largimi i bërtimave dhe luajtja me lojëra përmes teknologjiisë tek të cilat adrenalina e bënë të vetën, e sidomos aktivitetet dhe marrja pjesë në shkollë”.
Sa i përket duhanit Mëziu-Ritari tha se është ndër faktorët kryesor që ndikon në dëmtimet e zërit, e më e keqja duhani është duke e shkaktur kancerin e fytit.