Mehmed Vukaliq, një punëtor teknik në gjimnazin Sanski Most në Bosnjë-Hercegovinë, raportohet se ka vrarë drejtorin e shkollës, Nijaz Haliloviq, mësuesen e anglishtes, Gordana Nigjan dhe sekretaren Nisveta Kljuniq në ndërtesën e shkollës të mërkurën [sot].
Sipas policisë, sulmuesi tentoi të bënte vetëvrasje, por u plagos rëndë dhe u transferua në Qendrën Klnike Universitare në Banja Llukë.
“Pacienti është i vetëdijshëm. Aktualisht janë duke u zhvilluar procedurat diagnostike dhe është planifikuar një operacion”, thuhet në deklaratë, raportojnë mediat boshnjake.
Sulmuesi i dyshuar është punëtor i një shkolle të mesme në Sanski Most.