Policia e Kosovës ka njoftuar se një kosovar ka raportuar më 1 qershor se vetura e tij e cila ishte e parkuar në Zveçan, më 29 maj në ora 06:30-18:30, është dëmtuar nga persona të panjohur.
Siç ka bërë të ditur Policia e Kosovës përmes raportit 24 orësh, rasti është raportuar te prokurori i shtetit për të marrë këshillat e duhura dhe hetimet janë ende në vazhdim.
Po ashtu, në të njëjtën ditë dhe në të njëjtën komunë në veri të vendit, një person kosovar ka raportuar se vetura e tij e parkuar më 20 maj në ora 06:20-23:00, është dëmtuar nga persona të panjohur.
Ndërkohë, rasti është njoftuar te prokurori i shtetit dhe hetimet janë ende duke vazhduar.
Gjithashtu, edhe në komunën e Leposaviqit më 1 qershor rreth orës 00:00, një person mashkull kosovar ka raportuar se tre të persona, të cilët dyshohet se kanë qenë me maska, ia kanë dëmtuar veturën.
Siç ka njoftuar Policia, njësitet relevante policore kanë dalë në vendin e ngjarjes. Në lidhje me rastin, është konsultuar prokurori i shtetit, rasti vazhdon të hetohet.