Juria e ka shpallur ish-presidentin e SHBA-së, Donald Trump, fajtor për falsifikimin e të dhënave të biznesit për të fshehur një pagesë të parave të heshtura të bëra për ish-aktoren e filmave pornografikë, Stormy Daniels.
Ai kështu bëhet ish-presidenti i parë që dënohet për vepra penale, raporton BBC, përcjellë Dukagjini.
Trump është shpallur fajtor për të 34 akuzat, derisa këtë vendim e ka cilësuar si “turp”.
“Ky ishte një turp, ky ishte një gjyq i montuar”, ka thënë ai.
Ai është shprehur se “do të vazhdojë të luftojë deri në fund”, duke kritikuar kështu dhe procesin gjyqësor, njëkohësisht edhe duke pretenduar se është trajtuar në mënyrë të padrejtë.
“Kjo nuk ka përfunduar”, ka shtuar ai.