Britania e Madhe ka rënë dakord t’i lejojë Shteteve të Bashkuara të përdorin bazat e saj për të kryer sulme ndaj objektivave iraniane që lidhen me ngushticën e Hormuzit.
Megjithatë, për presidentin amerikan, Donald Trump, ky vendim është i vonuar, shkruan BBC, transmeton Dukagjini.
“Isha pak i habitur nga Mbretëria e Bashkuar, të them të drejtën – duhej të kishin vepruar shumë më shpejt. Marrëdhënia është shumë e mirë – por kjo nuk ka ndodhur kurrë më parë. Ata ishin praktikisht aleati ynë i parë… Nuk donin që ne të përdornim ishullin – të ashtuquajturin ishull – për të cilin, për ndonjë arsye, hoqën dorë nga të drejtat e tyre.”, tha Trump.
Mbretëria e Bashkuar ka rënë dakord të dorëzojë sovranitetin e këtyre ishujve te Mauritius, dhe më pas të marrë me qira bazën ushtarake.
Më herët, qeveria britanike deklaroi se kishte miratuar përdorimin e bazave të saj nga Shtetet e Bashkuara të Amerikës për të ndërmarrë sulme ndaj objekteve iraniane që synojnë Ngushticën e Hormuzit.
Britania lejon SHBA-në të përdorë bazat për operacione në Ngushticën e Hormuzit