Rruga që çon në Gërmi është liruar për qarkullim pasi e njëjta më herët ishte bllokuar nën dyshimin për një mjet shpërthyes.
Kështu ka bërë të ditur ekipi i RTV Dukagjinit që gjendet në vendin e ngjarjes, duke thënë se Policia e Kosovës dhe ekipet e deminimit kanë dalë në vendngjarje, por sipas konfirmimeve jozyrtare, dyshohet se nuk ka qenë mjet shpërthyes.
Sipas raportimeve të banorëve, ishte një gjësend apo qese plastike për të cilën kanë dyshuar se ishte mjet shpërthyes.
Portali Dukagjini po pret një konfirmim zyrtar nga Policia e Kosovës dhe do t’ju mbajë të informuar.