Ukraina pretendon se ka vrarë rreth 400 ushtarë rusë në një sulm me raketa në rajonin e pushtuar të Donetskut.
Siç raporton BBC-ja, raketa thuhet se është hedhur në qytetin Makiivka, ku mendohej se ishin vendosur forcat ruse.
Ndonëse numri i saktë i viktimave nuk është verifikuar, megjithatë autoritetet proruse pranuan se ka trupa të pajetë.
Në Kiev, sulmet ajrore u dëgjuan të dielën mbrëma, ndërsa vala e fundit e sulmeve me dronë dhe raketa nga Rusia vazhdoi.
Daniil Bezsonov, zyrtar i lartë i mbështetur nga Rusia në pjesët e pushtuara të Donetskut, ka theksuar se raketa goditi Makiivkan dy minuta pas mesnate në ditën e Vitit të Ri.
“Një goditje masive iu dha shkollës profesionale nga MLRS Himars amerikan. Ka pasur të vdekur dhe të plagosur, numri i saktë ende nuk dihet”, ka thënë ai.
Sipas ushtrisë ukrainase, përveç 400 të vrarëve, edhe 300 të tjerë kanë mbetur të plagosur.
Në një fjalim të vitit të ri, presidenti rus, Vladimir Putin, ka thënë se Rusia do të luftojë për të mbrojtur sovranitetin dhe pavarësinë e saj.