Manchester United ka huazuar Marcel Sabitzer nga Bayern Munich pasi Christian Eriksen pësoi një dëmtim të kyçit të këmbës që mund ta përjashtojë atë të luajë deri në maj të këtij viti.
Sabitzer, siç shkruan TheGuardian, është bashkuar për të luajtur deri në fund të sezonit pa asnjë opsion blerjeje.
Ai luan si mesfushor qendror, por gjithashtu edhe si sulmues.
Ndryshe, 28-vjeçari Sabitzer, më parë ka qenë kapiten i klubit të RB Leipzig që ka fituar 68 paraqitje për Austrinë. Ndërsa, këtë sezon ka luajtur 24 herë për Bayernin.
“Ndonjëherë në jetë ju duhet të merrni vendime të shpejta dhe të rëndësishme”, u shpreh Sabitzer.
Në anën tjetër, drejtori i futbollit të Manchester United, John Murtough u shpreh se Sabitzer është një lojtar të cilin Manchester e ka synuar që një kohë të gjatë.
“Marcel është një lojtar që ne e kemi parë për një kohë të gjatë. Mundësia u krijua shpejt dhe ne e dinim se ai ishte dikush me aftësinë dhe karakterin për të bërë një ndikim. Ai shton cilësi të mëtejshme në skuadrën tonë dhe përvojë në dhomën e zhveshjes”, ka thënë Murtough.