Universiteti i Prishtinës “Hasan Prishtina”, do të shpallë konkursin për pranim të studentëve të rinj me datën 12 korrik të vitit 2022.
Studentët duhet të paraqesin dëshmi të kryerjes së shkollës së mesme dhe kalimit me sukses të testit të maturës.
Në shumicën e Fakulteteve, kandidatët potencialë duhet t’u nënshtrohen testeve me shkrim, dhe në rast se marrin pikët e nevojshme do të pranohen si studentë të rinj në ato Fakultete.
Ndërkaq, sipas Agjencisë së Statistikave të Kosovës (ASK), numri i përgjithshëm i studentëve në universitetet publike për vitin 2020/2021, ishte 54 mijë e 753, apo në përqindje, 57.4% nga numri total i studentëve në universitete publike dhe kolegje private.