Presidentja e Komisionit Evropian, Ursula von der Leyen, është takuar me presidenten e Kosovës, Vjosa Osmanin. Pas vizitës me Osmanin, ajo do ta takojë kryeministrin Albin Kurti.
Ndërkaq, pas vizitës në Prishtinë, Von der Leyen pasdite do të udhëtojë për në Beograd, ku do të takohet me presidentin e Serbisë, Aleksandër Vuçiq dhe kryeministren Ana Bërnabiq.
Gjatë vizitës në Prishtinë dhe në vende të tjera të Ballkanit Perëndimor, Von der Leyen do ta prezantojë Kornizën Investuese të Ballkanit Perëndimor.