Komisioneri Evropian për Zgjerim, Oliver Varhelyi, ka bërë thirrje për bashkëpunim në mes vendeve të rajonit, siç potencoi ai, për të ecur përpara.
Varhelyi theksoi se është shumë e rëndësishme që rajoni të mos vazhdojë të merret me mosmarrëveshjet e vjetra, pasi kjo do t’i pengojë që të përfitojnë nga plani zhvillimor që BE ka për rajonin.
“Rajoni nuk do të jetë në gjendje të përfitojë më tepër nëse do të vazhdojë me mosmarrëveshjet e vjetra. Pra, duhet të tejkalohen këto vështirësi. Ky rajon mund të shtojë 1/3 e gtp. Së fundmi dua të them se lajmi i mirë është se plani zhvillimor do të jetë i rëndësishëm sepse mund të kemi agjenda reformuese brenda disa ditëve. Pra, nëse e shihni nivelin e zotimeve që ka dalë nga këto reforma, do të kuptoni që vërtet ka arritje dhe shumë punë. Pra, brenda javësh këto plane do të zbatohen dhe këto janë risi që do të sjellin edhe frytet e para.”, tha ai.