Vazhdojnë protestat në Izrael pas ndryshimeve në gjyqësor

Pas një jave "trazirash" të shkaktuara nga miratimi i një pakete ligjore që kufizon pushtetin e Gjykatës së Lartë, mijëra izraelitë vazhduan protestat në mbarë vendin të shtunën në mbrëmje

Foto: AP

Pas një jave “trazirash” të shkaktuara nga miratimi i një pakete ligjore që kufizon pushtetin e Gjykatës së Lartë, mijëra izraelitë vazhduan protestat në mbarë vendin të shtunën në mbrëmje.

Nga kodrat e Galilesë veriore deri te rrugët që përshkojnë qendrën financiare të Tel Avivit, protestuesit dolën në rrugë gjatë mbrëmjes me temperatura të larta.

Ndryshimet në gjyqësor të qeverisë së djathtë të kryeministrit Netanyahu, pjesa e parë e së cilave u miratua të hënën, ka krijuar një krizë të paprecedentë dhe një përçarje të thellë shoqërore. Kjo është java e 30-të e protestave.

Plani i qeverisë ka tronditur edhe përkushtimin e rezervistëve të ushtrisë, ndërsa ka nxitur edhe paralajmërime të rrepta për pasojat ekonomike.

Disa organizata kanë apeluar te Gjykata e Lartë për ta shfuqizuar ligjin e ri, i cili i heq autoritetin vetë kësaj gjykate për të anuluar ato që i konsideron vendime ‘të paarsyeshme’ nga qeveria dhe ministrat. Gjykata tha se do të dëgjonte argumentet në shtator, duke krijuar mundësinë për një përballje kushtetuese.

Kryeministri Netanyahu është përpjekur të minimizojë ndikimin e ligjit të ri, i miratuar pas disa ditësh. Ky është një nga disa ndryshimet që qeveria e tij thotë se janë të nevojshme për të balancuar degët e qeverisë.

Kritikët thonë se ai po kërcënon parimet demokratike të Izraelit dhe pavarësinë e gjykatave, duke nënvizuar se kjo mund të ketë lidhje edhe me një çështje me dyshimin për korrupsion, me të cilin, po përballet vetë kryeministri Netanjahu. Ai e mohon këtë dhe ka hedhur poshtë akuzën për korrupsion kundër tij. /VoA

Shija e redaktorit

Nora Gjakova fiton medaljen e bronztë në Paris

Nora Gjakova e ka fituar medaljen e argjendtë në Grand Slamin e Parisit, që është e treta nga Franca për Kosovën. Gjakova e fitoi duelin...

Distria e fiton medaljen e bronzt në Grand Slamin e...

Distria Krasniqi ka fituar medaljen e bronztë në Grand Slamin e xhudos që po mbahet në Paris. Xhudistja kosovare fitoi me waz-ari ndaj xhudistet nga...

Shkruan Romeo Çollaku, përkthyesi i romanit “Lugina e lumit Issa”...

Përkthyesi i librit, Romeo Çollaku, ndan me lexuesit historinë e “Lugina e lumit Issa” shkruar nga autori polak Czesław Miłosz. Nga ROMEO ÇOLLAKU Romani Lugina e lumit...

Të fundit nga rubrika