Më datën 7 korrik 2022, Njësitet e Antikontrabandës të Doganës së Kosovës në kuadër të planit operativ, kanë parandaluar edhe një rast të tentimkontrabandës në regjionin e Mitrovicës, duke e dërguar numrin në pesë raste gjatë ditës së enjte.
Dogana e Kosovës nëpërmjet një njoftimi, ka thënë se automjetet dhe mallrat janë sekuestuar.
Gjithashtu, Dogana e Kosovës ka shtuar se në bashkëpunim me autoritetet kompetente do të vazhdojnë të ushtrojnë kontrolla në kuadër të parandalimit të veprimtarive ilegale.
“Dogana e Kosovës në bashkëpunim me autoritetet kompetente do të vazhdojë të ushtrojë kontrolla në kuadër të realizimit të detyrave dhe përgjegjësive të saj, me qëllimin e vetëm parandalimin e veprimtarive ilegale në të gjithë territorin e Republikës së Kosovës”, ka shkruar në njoftim Dogana e Kosovës.
Ajo gjithashtu u ka bërë thirrje qytetarëve të Kosovës që ta njoftojnë secilin rast të sjelljes joetike të zyrtarëve doganorë, në numrin e telefonit 080050095.
Sekuestrohen mbi 6 tonë mallra të kontrabanduara në Mitrovicë