Operacioni për sekuestrimin e objekteve të ndërtuara në zonën e Brezovicës, po vazhdon edhe të premten e 2 dhjetorit.
Kështu ka bërë të ditur Prokuroria Themelore në Ferizaj, përmes një komunikate për media.
“Prokuroria Themelore në Ferizaj, njofton opinionin publik se është duke vazhduar aksionin për sekuestrimin e objekteve të ndërtuara në Brezovicë, konkretisht në zonën e III-të, të Parkut Kombëtar Sharri”, thuhet në njoftim.
Tutje, thuhet se ky aksion i sotëm i Prokurorisë Themelore në Ferizaj, është vazhdimësi e aksioneve të mëhershme në zonën e Brezovicës.
Ndryshe, më 11 tetor, Prokuroria Themelore ka sekuestruar përkohësisht rreth 100 objekte të ndërtuara në zonën e Brezovicës.