Kryetari i komunës së Gjilanit, Alban Hyseni, ka reaguar pasi një 50-vjeçar ka humbur jetën teksa banesa e tij është përfshirë nga zjarri.
“Një tragjedi e rëndë na ka goditur sot. Një 50-vjeçar humbi jetën sot në një aksident zjarri, duke lënë zbrazëti të madhe në zemrat e familjes, por edhe gjithë miqve ebashkëqytetarëve”, ka shkruar Hyseni, duke shtuar se shpreson që të tilla tragjedi të mos përsëriten kurrë.
Hyseni ka njoftuar se njësitet e zjarrfikësve dhe policia e qytetit me urgjencë kanë dalë në vendin e ngjarjes, ku dhe kanë bërë evakuimin e të gjithë banorëve nga ndërtesa për çështje sigurie.