Një person është gjetur pa shenja jete afër shtëpisë së tij në Leposaviq.
Rasti raportohet të ketë ndodhur të mërkurën e 18 tetorit, dhe në raportin 24-orësh të policisë është cilësuar si “vdekje e dyshimtë”.
Në vendin e ngjarjes kanë dalë njësitet përkatëse, teksa ekipi mjekësor e ka konstatuar vdekjen e viktimës.
“Raportohet se afër shtëpisë se tij është gjetur pa shenja jete viktima mashkull kosovar. Në vendin e ngjarjes kanë dalë njësitet përkatëse, ndërsa ekipi mjekësor ka konstatuar vdekjen e viktimës”, thuhet në raport.
Me vendim të prokurorit, trupi i pajetë i viktimës është dërguar në IML për obduksion.