Një aksident trafiku ka ndodhur të hënën në rrugën nacionale Pejë–Prishtinë, ku një motoçiklist i huaj është përplasur me një këmbësor kosovar.
Si pasojë e përplasjes, viktima ka pësuar lëndime të rënda dhe ka ndërruar jetë në vendin e ngjarjes.
“Fushë Kosovë / 03.11.2025 – 17:35. Raportohet se në rrugën nacionale Pejë–Prishtinë ka ndodhur një aksident trafiku në mes të një motoçiklisti mashkull shtetas i huaj dhe viktimës mashkull kosovar (këmbësor). Si pasojë e aksidentit viktima ka pësuar lëndime të rënda dhe ka ndërruar jetë në vendin e ngjarjes”, thuhet në njoftim.
Me vendim të prokurorit, trupi i pajetë është dërguar në Institutin e Mjekësisë Ligjore për obduksion.