Ka vdekur një 5-vjeçar në fshatin Raskovë të komunës së Obiliqit, po dyshohet se i njëjti ka rënë në lumë.
Rastin për Portalin Dukagjini e ka konfirmuar zëdhënësi i Policisë për rajonin e Prishtinës, Agron Borovci.
Borovci ka thënë se rreth orës 20:30 është raportuar për gjetjen e trupit të fëmijës por pa shenja jete.
“Rreth orës 18:15, është pranuar informata ndërlidhur me dyshimet për rënien në lum të një fëmije rreth pesë vjeç, në fshatin Raskovë të komunës së Obiliqit. Policia menjëherë ka dalë në vendin e ngjarjes, me ç’rast ka vijuar kërkimet dhe gjurmimet në terren. Rreth orës 20:30 është raportuar për gjetjen e trupit të fëmijës por fatkeqësisht pa shenja jete. Aktualisht po trajtohen rrethanat që karakterizojnë ngjarjen”, ka thënë Borovci.