Ka vdekur një burrë 70-vjeçar, pasi i ishte përkeqësuar gjendja derisa po ecte i shoqëruar në bjeshkët e Prevallës.
Lajmin për Dukagjinin e ka konfirmuar zëdhënësi i Policisë së Kosovës për rajonin e Prizrenit, Shaqir Bytyqi.
Sipas këtij të fundit, i ndjeri kishte rënë pa vetëdije.
“Sot në mëngjes, rreth orës 06:32 , në polici është raportuar se një person pasi që kishte dalë në bjeshkë në fshatin Prevallë, Prizren, iu kishte keqësuar gjendja dhe kishte rënë pa vetëdije. Shoqëruesit e tij kanë njoftuar policinë. Policia bashkë me emergjencën me vështirësi kanë mbërritur në vendngjarje pasi që terreni ishte i vështirë dhe e pamundur që të shkohet me automjet. Në momentin kur emergjenca ka mbërritur në vendngjarje ka konstatuar vdekjen e viktimës, B.M. mashkull, 70 vjeç”, tha ai.
Me urdhër të prokurorit, trupi i pajetë i është liruar familjes së të ndjerit.