Një person ka ndërruar jetë këtë të martë pas një aksidenti në Sllatinë.
Këtë për portalin Dukagjini e ka konfirmuar zëdhënësi i Policisë së Kosovës, Baki Kelani, i cili ka thënë se trupi i pajetë i viktimës është dërguar për obduksion.
“Sot, në mesditë është raportuar për një aksident trafiku të ndodhur në Rrugën Pejë-Prishtinë, konkretisht në Sllatinë. Në këtë rast është përfshirë një automjet, në të cilin drejtuesi i mjetit ka ndërruar jetë, vdekjen e të cilit e kanë konstatuar mjekët kompetentë. Në lidhje me rastin, në vendngjarje kanë dalur njësitet relevante policore, ekipi mjekësor dhe prokurori kompetent, përderisa trupi i pajetë është dërguar në IML”, tha Kelani.