Ka vdekur pjesëtari i KFOR-it që është gjendur i shtrirë pa ndjenja në Brezovicë, në zonën e quajtur “Qafa e Luanit”.
Rastin për Portalin Dukagjini e ka konfirmuar zëdhënësi i policisë për rajonin e Ferizajt, Kanun Veseli.
Ai ka bërë të ditur se trupi i viktimës nuk ka pasur shenja jete, duke theksuar se lidhur me rastin është njoftuar edhe Prokuroria e Ferizajt.
“Ju njoftojmë se stafi mjekësor i Shtëpisë së Shëndetit në Shtërpcë dhe pjesëtarët e KFOR-it, në orën 16:30 kanë ndërprerë reanimimin, për shkak se nuk ka pasur shenja jete.Trupi i tij është transportuar me helikopter të KFOR-it. Është njoftuar edhe prokurori kujdestar nga Prokuroria Themelore e Ferizajt”, ka thënë Veseli.
Pjesëtari i KFOR-it gjendet i shtrirë pa ndjenja në Brezovicë