Një person ka vdekur në Prizren të shtunën teksa ishte në spital duke u trajtuar për lëndimet që i kishte marrë në vendin e punës.
Sipas raportit 24-orësh të Policisë, viktima po trajtohej në spital që nga data 7 korrik e këtij viti.
“Viktima shtetas shqiptar i cili ishte duke u trajtuar në spital për shkak të lëndimeve që kishte pësuar me datën e cekur, me 22.11.2025 ka ndërruar jetë. Me urdhër të prokurorit, trupi i pajetë i viktimës është dërguar në IML për obduksion. Rasti është duke u hetuar”, thuhet në njoftim.