Reshjet e dendura gjatë natës të dielën kanë shkaktuar probleme të shumta gjithandej në rrugët e Malit të Zi.
Rrugët në qytetin e Ulqinit dhe në “Plazhën e Vogël”, raportohet se janë bllokuar nga reshjet e mëdha të shiut.
Shiu i dendur dhe rrugët e përmbytura nuk e ka anashkaluar as Podgoricën.
Në rrjetet sociale mund të shohim foto dhe video të qyteteve në jug dhe veri të vendit, ku bie shi i dendur, dhe qarkullimi është i vështirë, raporton RTCG.
Reshjet e dendura të shiut në Berane krijojnë probleme serioze
Reshjet e dendura të shiut nisën të shkaktojnë probleme serioze edhe në zonën e Beranit për shkak të rritjes së menjëhershme të nivelit të ujit të lumit Lim dhe lumenjve të tjerë më të vegjël.
Portali RTCG është kontaktuar nga disa banorë të vendbanimit Donji Talum, ku disa shtëpi janë përmbytur nga ujërat nëntokësore.
“Uji del nga kanali i kanalizimeve dhe ne e hedhim jashtë që të mos vërshojë shtëpitë”, ka thënë banori lokal Almir Adroviq.
Ai ka pohuar se përveç tij janë të kërcënuara edhe tre shtëpi të tjera në lagje dhe apelon në ndihmë të shërbimeve kompetente.
Disa rrugë në atë vendbanim janë të përmbytura dhe të pakalueshme.
Se situata ka gjasa të jetë e rëndë, tregon edhe fakti se sot Shtabi i Komunës është në seancë për mbrojtjen nga fatkeqësitë natyrore, të cilat duhet të njoftohen më pas.
Që nga e shtuna edhe qytetet e Kosovws janë përballur me reshje të mëdha të shiut, meteorologët kanë parashikuar edhe përmbytje në disa komuna.