(VIDEO) Kurti shënoi kosh, por nuk fitoi në shah

Kryeministri i vendit, Albin Kurti, sot ka zhvilluar një vizitë në Komunën e Podujevës, me ç’rast ka treguar aftësitë e tij në sport

Kryeministri i vendit, Albin Kurti, sot ka zhvilluar një vizitë nëomunën e Podujevës, me ç’rast ka treguar aftësitë e tij në sport.

Vizitën e parë e zhvilloi në shkollën “Xheladin Rekaliu” me rastin e zbatimit të programit “Sport në Shkolla” që ka për qëllim ndërtimin e një shoqërie aktive dhe të shëndetshme përmes pjesëmarrjes së rregullt të nxënësve në aktivitet fizik dhe sport.

Kur pa nxënësit duke luajtur basketboll, kryeministri nuk i rezistoi tundimit për ta gjuajtur topin në kosh, të cilës gjuajtje nuk ia huqi, shkruan Klan Kosova.

Kryeministri Albin Kurti duke shënuar kosh në shkollën “Xheladin Rekaliu” në Podujevë.

“Sporti dhe aktiviteti fizik janë baza e shëndetit, platformë e edukimit, ushqim për mendjen, qendër e rutinës dhe faktor shumë i rëndësishëm i mirëqenies së përgjithshme shoqërore”, shkroi Kurti në Facebook, pas këtij aktiviteti.

Ai e provoi veten edhe në shah, por nuk është se doli fitimtar. Në ballafaqim me kryetarin e Federatës së Shahut të Kosovës, Armend Budima, loja përfundoi me remi.

Në llogarinë e tij në Facebook, ai ka shpërndarë një video ku në mënyrë digjitale tregohen potezat që kanë luajtur Kurti dhe Budima.

Shija e redaktorit

Presidenti kroat pritet ta vizitojë Kosovën në fillim të dhjetorit

Presidenti i Kroacisë, Zoran Milanoviq, pritet ta vizitojë Kosovën në fillim të muajit dhjetor të këtij viti. Kështu ka mësuar Dukagjini nga burimet e veta...

Nufi: Shqipëria do ta mbrojë Kosovën, asnjë qeveri në Tiranë...

Ministri i Mbrojtjes i Shqipërisë, Ermal Nufi, ka deklaruar se angazhimi i Shqipërisë për mbrojtjen e Kosovës është i pakushtëzuar, duke theksuar se asnjë...

Përkujtohet ditëlindja e heroit të Kosovës, Zahir Pajaziti

Sot shënohet 64-vjetori i lindjes së komandantit të Ushtrisë Çlirimtare të Kosovës dhe heroit të Kosovës, Zahir Pajaziti. Ai u lind më 1 nëntor 1962...

Të fundit nga rubrika