Artisti i njohur kosovar, Majku ka publikuar projektin e tij më të ri muzikor të titulluar “Viking”, krejtësisht ndryshe nga këngët që jemi mësuar t’i shohim.
Detaji kryesor i këtij projekti të ri muzikor është lidhshmëria e titullit “Viking” me pamjet vizuele të klipit.
Teksti është shkruar nga vetë artisti me miksim dhe masterizim nga BigDeal Records.
Për beat-in u kujdes Pllumbeats me video të kompletuar nga produksioni i njohur, XL Films.
Në skenat e videoklipit, Majku shihet i veshur si kalorës ndërsa qëndron mbi një kalë dhe mban shpata në duar.
Ndryshe, fjala Viking sot tregon popullatën e cila në Mesjetën e hershme jetonte në territorin Skandinavisë, veçanërisht në territorin e sotëm të Suedisë, të Norvegjisë dhe të Danimarkës.
Shpesh është përdorur edhe emërtimi “Normanë” ( “Njerëzit e veriut”), por ai është përdorur më shpesh për ata vikingë të cilët pushtuan Normandinë e sotme, ashtu si edhe emërtimi “Varangianë”, i cili është përdorur shpesh për kolonët mesjetarë skandinavë në Rusinë e sotme, Ukrainën dhe Perandorinë e dikurshme Bizantine.