Edicioni i dytë i ”Prishtina Music Conference”, mbahet me 4 dhe 5 nëntor, me artistë vendorë dhe ndërkombëtarë.
I ftuar në emisionin “Drive on D” me Donikën dhe Mirdonin këtë javë ishte Kushtrim Dushi, i cili foli për edicionin e dytë të “Prishtina Music Conference”, që do të mbahet me 4 dhe 5 nëntor në Kino Armata.
Dushi bëri të ditur se qëllim i kësaj konference është inkuadrimi i artistëve, shfaqja më e madhe e muzikës, kulturës e mikpritjes sonë. Ai theksoi se po mundohen që të sjellin një ndryshim, për të pasur një qasje më të lehte për depërtim jashtë vendit.
Këtë edicion në “Prishtina Music Conference” do të paraqiten emra të njohur botërorë të muzikës. Dushi deklaron se promovimi i konferencës ka nisur tash e dy muaj, pasi në kuadër të saj do të vijë edhe një festival, ku do të ketë artistë të kategorisë së lartë.
Në kuadër të “Prishtina Music Conference” do të ketë panel diskutimi ku do të diskutohen disa tema, mes tyre edhe shëndeti mendor. Dushi ka theksuar se nuk ka qenë e lehtë të organizohet një event i tillë pasi janë dashur shumë fonde, pasi vetëm në panele do të jenë pjesë 27 panelistë.
Në përfundim të ditës së dytë të kësaj konference do të organizohet festivali “Rave Festival”, i cili do të mbahet në AMC Hall, rrugës për Shkabaj.
Dushi ka shtuar se biletat për këtë festival do të mund t’i gjeni në faqen rave-travel.com, apo në pikat e shitjes që janë të vendosura në qytete të ndryshme. “Rave Festival” fillon nga ora 10, me artistë vendorë e ndërkombëtarë.