Raportuesja e Parlamentit Evropian për Kosovën, Viola von Cramon, ka thënë se Beogradi dhe Prishtina, duhet ta konsiderojnë ofertën e Francës dhe Gjermanisë, ngase sipas saj, oferta e radhës mund të mos jetë më e mirë sesa kjo e fundit.
Për mediumin serb, ajo vlerësoi se Beogradi dhe Prishtina duhet të gjejnë një kompromis të qëndrueshëm.
“Ne e mbështesim plotësisht dhe në mënyrë të palëkundur punën e Miroslav Lajçakut, dhe besoj se qëllimi mund të jetë real”, ka thënë Von Kramon, gjersa u përgjigj se i dërguari i Bashkimit Evropian për dialogun, Lajçak pret që marrëveshja në mes Beogradit dhe Prishtinës të arrihet deri në fund të vitit 2024.
Ndërkaq, sipas saj, Serbia sot është “më e largëta e mundshme që nga viti 2000”, dhe me këtë nënkupton larg Bashkimit Evropian.
“Unë nuk jam e sigurt se njerëzit në Serbi e dinë se reputacioni i Serbisë është më i keqi që nga viti 1999”, deklaroi ajo.
Von Cramon e kishte quajtur marrëveshjen në mes të Ministrisë së Punëve të Jashtme të Serbisë dhe Rusisë si skandal të rëndë. Sipas saj, ajo marrëveshje mund të jetë një sinjal për bllokimin e bisedimeve për anëtarësimin e Serbisë në Bashkimit Evropian.