Raportuesja për Kosovën në Parlamentin Evropian, Viola von Cramon, teksa e ka komentuar mosarritjen e një marrëveshjeje midis Kosovës dhe Serbisë për çështjen e targave, u ka bërë thirrje të dy palëve që të kthehen në tryezën e negociatave.
Me anë të një postimi në llogarinë e saj në Twitter, Von Cramon, ka thënë se nuk ka tjetër alternativë, ngase siç thotë ajo, arritja e një kompromisi kërkon vullnet politik dhe udhëheqje të guximshme për të gjetur zgjidhje të qëndrueshme.
“Arritja e një kompromisi kërkon vullnet politik dhe udhëheqje të guximshme për të gjetur një zgjidhje të qëndrueshme. Prandaj i bëj thirrje të dyja palëve të kthehen në tryezën e negociatave, pasi nuk ka alternativë ndaj dialogut të udhëhequr nga BE-ja i lehtësuar nga Miroslav Lajçak”, ka shkruar ajo.
“Më vjen thellësisht keq që sot nuk kishte interes të vërtetë për të arritur një marrëveshje mes Kosovës dhe Serbisë nën ndërmjetësimin e BE-së. Shumë gjëra janë në rrezik, duke përfshirë integrimin tashmë të arritur në Kosovën e Veriut”.
Sipas saj, në kohët e luftës, gjëja e fundit “që na duhet është një përshkallëzim në oborrin tonë të brendshëm”.
Reaching a compromise requires both political will and bold leadership to find a sustainable solution.
I thus urge both @albinkurti and @predsednikrs to return to the negotiating table, as there is no alternative to the #EU-led #Dialogue facilitated by @MiroslavLajcak.
— Viola von Cramon 🇺🇦🇪🇺 (@ViolavonCramon) November 21, 2022
Çka u diskutua në Bruksel, kryeministria jep detaje nga takimi Kurti-Vuçiq