Një person ka pësuar lëndime trupore si pasojë e të shtënave me armë zjarri në drejtim të veturës të cilën po e ngiste viktima.
Rasti raportohet të ketë ndodhur në Drenas të martën e 15 gushtit, dhe i njëjti cilësohet si “vrasje në tentativë”.
Në raportin 24-orësh të Policisë së Kosovës thuhet se viktima është dërguar për tretman mjekësor.
Në vendin e ngjarjes janë konfiskuar dy gëzhoja dhe rasti po vazhdon të hetohet.
“Viktima mashkull kosovar ka raportuar se derisa ka qenë duke lëvizur me veturën e tij, të dyshuar të panjohur kanë shtënë me armë zjarri në drejtim të tij ku si pasojë i njëjti ka pësuar lëndime trupore dhe është dërguar për tretman mjekësor. Në vendin e ngjarjes kanë dal njësitet përkatëse policore ku kanë gjetur dhe konfiskuar dy gëzhoja. Lidhur me rastin është njoftuar prokurori kompetent. Rasti nën hetime”, thuhet në raport.