Lëvizja Vetëvendosje, dega në Prizren, nuk janë aspak të kënaqur me punën e Shaqir Totajt.
Këtë të premte, ata adresuan një sërë kritikash në adresë të kryetarit të komunës që vjen nga radhët e PDK-së.
Madje, sipas kryetarit të degës së Lëvizjes Vetëvendosje, Artan Abrashit, qeverisja e Totajt do të duhej edhe të hetohej nga Prokuroria.
“Në vitin 2023, në komunën e Prizrenit e nisi me 8.9 milion euro suficit. Në bazë të analizave del të jetë suficiti më i madh në qeverisjen në Prizren. Nëse bazohemi në deklaratat e kryetarit aktual të komunës së Prizrenit sa ishte në opozitë, se suficiti i lartë ishte indikator kreysor i korrupsionit, atëherë krejt çka na mbetet është të bëjmë thirrje prokurorisë për hetime të thella në komunën tonë”, ka deklaruar Artan Abrashi.
Abrashi theksoi se ndihma e qeverisë nuk ka munguar për komunën.
“Shifrat flasin për mospunë të tmerrshme, neglizhencë të nevojave të qytetarëve, ngulfatje të qytetit, ndërprerje të projekteve dhe mos ta fajësoj qeverinë e Kosovës e cila siç e pat po i mbledhim kltp shuma del sa 4-5 herë ma e madhe shuma sesa buxheti i komunës së Prizrenit”, vijon ai.
Kritikave e akuzave të Vetëvendosjes, u përgjigjur menjëheerë kryetari Totaj.
“Ata janë mjeshtërit e propagandës dhe nuk dinë asgjë tjetër përps progapandës. Në atë mënyrë kanë ardh në pushtet, ashtu po qeverisen. Tentojnë mi mjegullu gjanat ndërsa realiteti është ai që është. I kanë pas 4 vjet pushtetin në Prizren, me pas qeveris mirë nuk e kishin hup”, ka thënë kryetari i Prizrenit, Shaqir Totaj.
Totaj kritika pati edhe për ndarjen e buxhetit për investime kapitale ku njësoj si partitë e tjera opozitare, ai beson se komunat e qeverisura nga VV janë favorizuar.