Diplomati amerikan i bëri komentet gjatë ceremonisë së hapjes së bazës së NATO-s në Kuçovë, ku theksoi se pavarësisht sfidave, alenca qëndron sot më e fortë, më e madhe dhe më e bashkuar.
“Është një nder i veçantë të jesh këtu për 15-vjetorin e anëtarësimit të Shqipërisë në NATO,” u shpreh Wisner.
Diplomati tha se NATO-ja qëndron si aleanca më e qëndrueshme në histori, dhe sot, pavarësisht sfidave, NATO-ja është më e fortë.
“NATO është rritur si simbol i angazhimit tonë. Përgëzoj dëshirën e Shqipërisë për të zgjeruar bashkëpunimin me NATO-n. Të lëvdojmë përkushtimin e Shqipërisë për përmbushjen e angazhimeve të NATO-s. Shqipëria është e vlerësuar për kontributin në mbështetjen e stabilitetit në Ballkanin Perëndimor”, tha Wisner.