Presidenti kinez Xi Jinping ka deklaruar se rikthimi i Tajvanit nën kontrollin e Kinës përbën një element thelbësor të rendit ndërkombëtar të krijuar pas Luftës së Dytë Botërore.
Gjatë një bisede telefonike me presidentin amerikan Donald Trump, Xi ka theksuar se Pekini mban një “qasje parimore” lidhur me çështjen e Tajvanit dhe se kjo çështje lidhet drejtpërdrejt me rregullat e pasluftës.
“Kina dhe Shtetet e Bashkuara luftuan krah për krah kundër forcave fashiste dhe militariste, dhe sot duhet të bashkëpunojnë për të mbrojtur rezultatet e fitores së Luftës së Dytë Botërore”, është shprehur Xi, sipas raportimit të televizionit shtetëror kinez CCTV.