Analisti Visar Ymeri ka komentuar videon e Lëvizjes Vetëvendosje, të cilën e ka quajtur “skandaloze”, ngaqë sipas tij, Qeveria Kurti II e ka ndier nevojën për të treguar sa të këqija kanë qenë Qeveritë e kaluara.
Më tej, Ymeri ka thënë se këtë, LVV-ja është duke e bërë pasi nuk është duke mundur që të tregojë se sa e mirë është qeverisja Kurti II.
“Këto u tha që nuk ka më vjedhje të drogës në stacionin policor, është vërtet që ajo ka ndodhur një herë në vitin 2010 apo edhe më herët. Por nën qeverisjen Kurtit e kemi zhdukjen e provave të rastit të Astrit Dehar-it. Dje e dëgjova ministren e Drejtësisë, Albulena Haxhiun, që tha se kjo zhdukje është bërë qëllim për t’më goditur mua, por a mund të themi që edhe droga është vjedhur për t’i goditur pushtarët e atëhershme”, ka thënë Ymeri në “Debat Plus”.
“Vlerësimi që është duke ia bërë Qeverisë së vetë Lëvizja Vetëvendosje, është vlerësim negativ”, ka theksuar Ymeri.
Ndër të tjera, Ymeri ka treguar se LVV-ja është duke përdorur një propagandë, e cila është krahasimi me Qeveritë e kaluara.
“Kur je në qeverisje duhet të ndryshojë propagandë, duhet të tregosh se çfarë ke bërë vetë edhe si i ke luftuar këto fenomenet që je duke i kritikuar në video, se shumë prej atyre fenomeneve, pavarësisht se sa të vërteta janë, nuk janë duke e luftuar me Vetëvendosjen në pushtet”.
“Përdoren çështje që kanë ndodhur ose raste, të cilat nuk kanë të bëjnë fare me Qeverinë Kurti II, siç ka qenë shkëputja e kontratës me Z Mobile, që ka ndodhur në vitin 2019”, ka shtuar Ymeri.
Ai ka përfunduar duke thënë se privatizimi është duke vazhduar edhe gjatë mandatit të Qeverisë Kurti II.