Analsiti i çështjeve politike, Visar Ymeri, ka krahasuar dy deklarata të kryeministrit, Albin Kurti, duke e kritikuar kryeministrin në lidhje me qëndrimet e tij për procesin negociator në Vjenë dhe Pakon e Ahtisaarit.
Ymeri ka cituar fjalimin e Kurtit në Kuvendin e Kosovës me 17 shkurt 2023.
“Ishin po këta aleatë ndërkombëtarë që më 2008 po ata faktorë vendorë në koordinimin e të gjitha atyre veprimeve të nevojshme politike dhe proceseve të domosdoshme diplomatike që kulmuan me shpalljen e pavarësisë së Kosovës në vitin 2008”, ka cituar Ymeril Kurtin.
Gjithashtu, e ka cituar fjalimin e Kurtit në sheshin Skënderbeu në Prishtinë me 10 shkurt 2023.
“Me të drejtë e kritikuam dhe kundërshtuam paketën e Ahtisaarit, sepse aty kishte komuna të reja mbi baza etnike, zona të veçanta serbizuese rreth kishave e manastireve ortodokse, shuarje përfundimtare të Trupave Mbrojtëse të Kosovës, pjesëmarrje të Kosovës në borxhin e jashtëm të Serbisë, e drejta e vetos për deputetët serbë me ulëse të rezervuara e të garantuara në Kuvendin e Kosovës, dhe vazhdimi i sundimit ndërkombëtar në Kosovë me fuqi ekzekutive mbi neve e pa llogaridhënie ndaj neve”, ka cituar Kurtin, Ymeri.
Sipas Ymerit, i njëri, pra kryeministri Kurti, i njëjti vit, i njëjti proces dhe i njëti dokument, por që me 17 shkurt Kurti e quajti proces të nevojshëm dhe të domosdoshëm, e, që kulmoi me shpalljen e pavarësisë, ndërsa me 10 shkurt e quajti process dhe dokument të kundërshtueshëm dhe të kritikueshëm.
“I njëjti njeri (Albin Kurti). I njëjti muaj (shkurt). I njëjti vit (2023). I njëjti proces (Procesi negociator në Vjenë). I njëjti dokument (Plani i Ahtisaarit). Më 17 Shkurt 2023, Albin Kurti e quan proces të NEVOJSHËM dhe të DOMOSDOSHËM, që kulmoi me shpalljen e pavarësisë. Më 10 shkurt 2023, Albin Kurti e quajti proces dhe dokument të KUNDËRSHTUESHËM dhe të KRITIKUESHËM, meqë thoshte se krijonte ndasi etnike dhe serbizim të Kishave dhe Manastireve Ortodokse”, ka krahasuar Ymeri dy deklaratat e Kurtit duke theksuar se kryeministri “po na thotë që edhe kundërshtimi edhe afirmimi i të njëjtit proces janë të drejta”.