I prekur për sulmin e ndodhur në Stamboll, ku humbën jetën gjashtë persona dhe dhjetëra të tjerë u lënduan, është shprehur presidenti i Ukrainës, Volodymyr Zelensky.
Me anë të një postimi në Twitter, Zelensky ka thënë se dhimbja e popullit turk “është edhe dhimbja jonë”.
Po ashtu, Zelensky u ka shprehur ngushëllime familjarëve që humbën më të dashurit e tyre, ndërsa të lënduarve u ka uruar shërim të shpejtë.
“Me pikëllim të thellë mësova lajmin se nga shpërthimi që ndodhi në rrugën Istiklal, humbën jetën dhe plagosën shumë njerëz. I shpreh ngushëllimet e mia familjeve të atyre që humbën jetën dhe u uroj shërim të shpejtë të lënduarve. Dhimbja e popullit mik turk është dhimbja jonë”, ka shkruar Zelensky.
İstiklal Caddesi’nde meydana gelen patlamada çok sayıda can kaybı ve yaralı olduğu haberini derin üzüntüyle öğrendim. Hayatını kaybedenlerin yakınlarına taziyelerimi sunuyorum ve yaralananlara acil şifalar diliyorum. Dost Türk halkının acısı bizim acımızdır.
— Володимир Зеленський (@ZelenskyyUa) November 13, 2022
Ndërkaq, edhe sekretari i përgjithshëm i NATO-s, Jens Stoltenberg ka reaguar pas sulmit në Stamboll, ku humbën jetën gjashtë persona dhe dhjetëra të tjerë pësuan lëndime.
Në një postim në Twitter, Stoltenberg ka thënë se NATO qëndron në solidaritet me Turqinë.
“Pamje tronditëse nga Stambolli. Mendimet e mia dhe ngushëllimet më të thella për të gjithë ata që janë prekur dhe për popullin turk. NATO qëndron në solidaritet me aleatin tonë Turqinë”, ka shkruar Stoltenberg.
Numri i të vdekurve nga shpërthimi në Taksim ka shkuar në gjashtë, kurse i të lënduarve në 53.