Ukraina do të luftojë për një fitore të përgjakshme, por pushtimi rus sipas Zelenskyt do të përfundojë me diplomaci.
Në intervistën televizive e cila shënoi përvjetorin e tretë të Presidentit të Ukraines, ai ka thënë se kësaj lufte duhet që t’i vije fundi.
“Ne nuk e filluam këtë luftë. Por ne duhet ta përfundojmë atë,” tha Zelensky në një intervistë që u transmetua të shtunën e 21 majit, transmeton CNN.
Sipas Zelenskyt “Fitorja do të jetë e përgjakshme në betejë, por fundi do të jetë me diplomaci”, ai ka thënë se dëshira e tij dhe e popullit është që gjithçka të i’u kthehet prapa, por shteti rus nuk dëshiron të japë asgjë.
Në këtë transmetim dha intervistë edhe bashkëshortja e Presidentit, Olena Zelenska e cila u shpreh se kjo luftë dhe ngjarjet që kanë ndodhur nuk kanë ndikuar që bashkëshorti i saj të ndryshoj në asnjë aspekt.
“Nuk mund të them se ka ndryshuar. Siç ka qenë burrë dhe burrë i besueshëm, ashtu është”, ka thënë ajo.
Por një ankesë e saj ishte se kjo luftë ka qenë shkak që nuk ka mundur ta shihte bashkëshortin e saj me muaj të tërë, por komunikimin me të ka mundur ta bëjë vetëm përmes telefonatave.
“Familja jonë, si të gjitha familjet ukrainase, tani është shqyer. Ne nuk u pamë për dy muaj e gjysmë, folëm vetëm në telefon”, shtoi Zelenska.