Kandidati për deputet nga Lidhja Demokratike e Kosovës (LDK), Armend Zemaj, ka kritikuar kryeministrin në detyrë Albin Kurti, duke e akuzuar për përdorim të fondeve publike dhe për ndikim në të ardhmen e të rinjve.
Në një postim në Facebook, Zemaj ka publikuar edhe një video me të rinj, ku i ka bërë thirrje Kurtit që të mos “ia rrënojë të ardhmen rinisë”.
Ai ka thënë se “taksat e qytetarëve nuk duhet të shfrytëzohen për fushatë elektorale”.
“Albin, mos ia rrëno të ardhmen rinisë. Mos i çoni taksat tona për fushatë elektorale. E di që të ka humbë rruga, ashtu si ajo fleta e programit. Po më mirë të humbësh ti, sesa e ardhmja e këtyre të rinjve. Këta të rinj e duan vendin e vet dhe e dashurojnë vendin e shqiponjave”, ka shkruar Zemaj.