Komisioni Qendror i Zgjedhjeve(KQZ) ka publikuar numrin e qytetarëve që kanë dalë të votojnë në Zgjedhjet e Jashtëzakonshme Lokale në komunat veriore të vendit deri në orën 15:00, të dielën e 21 Prillit.
KQZ ka bërë të diture se deri më tani kanë votuar gjithsej 1 mijë e 85 votues.
Zëdhënësi i KQZ-së, Valmir Elezi ka bërë të ditur se procesi zgjedhori deri në orën 15:00 ka vijuar pa ndonjë pengesë.
“Deri në këto kohë procesi zgjedhor po vijon në rregull dhe nuk është njoftuar për ndonjë pengesë”.
“Deri në orën 15:00, pjesëmarrja në zgjedhje është; Leposaviq 110 – 0.83 për qind, Zubin Potok – 240 votues apo 3.6 për qind, Zveçan 145 votues, 2.07 për qind, Mitrovicë e Veriut 597 votues apo 3.3 për qind”, ka thënë Elezi në konferencën për media.