Policia e Kosovës ka njoftuar se në dy raste të ndara janë zhdukur dy persona, të cilët kanë edhe probleme, njëri psikike e tjetri mendore.
Në njoftimin e policisë thuhet se një person ka raportuar se vëllai i tij është larguar nga shtëpia dhe nuk është kthyer më. Ky rast është në fshatin Baicë të Istogut.
Policia ka bërë të ditur se është duke e hetuar rastin.
“Ankuesi mashkull kosovar ka informuar se vëllai i tij mashkull kosovar (me probleme psikike) është larguar nga shtëpia dhe nuk është kthyer më. Rasti është duke u hetuar”, thuhet në raportin e policisë.
Ndërsa, në rastin tjetër, Policia e Kosovës ka bërë të ditur se një person në Prizren është raportuar i zhdukur.
Sipas njoftimit, i njëjti kohëve të fundit kishte probleme mendore.
Derisa vëllai i tij kishte raportuar në polici se që nga data 09.01.2024 nuk dihet për vendndodhjen e tij.
“Ankuesi mashkull kosovar ka raportuar se vëllai i tij, mashkull kosovar, i cili kohëve te fundit ka probleme mendore ka dalë nga shtëpia qe nga data 09.01.2024 dhe nuk dihet për ve ndodhjen e tij”, thuhet tutje.