Tregu i rrobave të përdorura në qendër të qytetit të Shkodrës është përfshirë nga zjarri mbrëmjen e së premtes duke rrezikuar pallatet përreth.
Siç shkruajnë mediet shqiptare, të gjitha strukturat e Bashkisë të angazhuara ndërkohë që policia ka ndërhyrë menjëherë duke evakuuar të gjithë banorët e banesave përreth që janë rrezikuar nga flakët e mëdha.
Për lokalizmin e zjarrit në Shkodër janë angazhuar të gjitha strukturat.
Mediet raportojnë se në terren kanë qenë 21 mjete zjarrfikëse, të repartit të Shkodrës, nga Malësia e Madhe, Lezha, Ulqini dhe Tivari. 110 efektivë të forcave zjarrfikëse, 30 efektivë të Policisë Shkodër, 20 efektivë të repartit të FNSH, 3 autoambulanca me personel nga Spitali i Shkodrës, 110 punonjës të Bashkisë Shkodër, 30 efektivë të Repartit Ushtarak Vau Dejës dhe 1 helikopter i ushtrisë.
Për këtë ka reaguar edhe ministri i Brendshëm, Taulant Balla, i cili thotë se Forcat e Armatosura do të ndërhyjnë nga ajri me helikopter për të bërë të mundur shuarjen e zjarrit që ra pasditen e së mërkurës në tregun e të përdorurave në Shkodër. Ministri thotë gjithashtu se në ndihmë kanë shkuar dhe zjarrfikësit nga bashkitë fqinje.
“Shërbimet zjarrfikëse po punojnë për fikjen e një zjarri tepër të madh në lagjen Qafbardhi Policia e Shtetit ka evakuar banesat në zonën përreth, ndërsa një numër i madh zjarrfikësish nga bashkitë fqinje po mbërrin për tu ardhur në ndihmë djemve të MKZSH Shkodër Forcat e Armatosura do të ndërhyjnë nga ajri përmes helikopterit”, ka shkruar Balla në Facebook.