Autoritetet e Hong Kongut thonë se numri i të vdekurve nga flakët në një kompleks apartamentesh është rritur në 146 pasi janë gjetur trupa të tjerë.
Shuk-yin Tsang, kreu i njësisë së viktimave të policisë së Hong Kongut, u tha gazetarëve në vendngjarje të dielën se 100 persona të tjerë mbeten të zhdukur, shkruan AP, transmeton Dukagjini.
Shtatë nga tetë ndërtesat e kompleksit Wang Fuk Court u dogjën në flakët që filluan të mërkurën pasdite dhe nuk u shuan plotësisht deri të premten në mëngjes.
Deri më tani, njësia e identifikimit të viktimave të policisë ka kontrolluar në katër nga ndërtesat.
Shumë njerëz janë mbledhur përreth kompleksit ku ndodhi zjarri duke bërë lutje për viktimat teksa kanë vendosur edhe lule.
“Kjo shërben vërtet si një thirrje zgjimi për të gjithë, veçanërisht me këto ndërtesa super të larta”, tha banorja e Hong Kongut Lian Shuzheng, e cila priti në një radhë me qindra njerëz për një orë për t’i shtuar lulet e saj tufës në rritje.