Agjensia e Menaxhimit të Emergjencave [AME] ka bërë të ditur se zjarri i përhapur në parkun nacional të Prevallës nuk është lokalizuar ende por që nuk ekziston ndonjë rrezik për jetën dhe pasurive të banorëve në këtë zonë të prekur.
Në komunikatën për media thuhet se operacionet për fikjen e zjarrit nga toka përpos zjarrfikësve dhe ekipit të shpëtimit nga Prizreni kanë qenë pjesëmarrëse edhe ato nga Prishtina, Ferizaji dhe Gjakova.
“Në situatën e krijuar nga zjarri në sipërfaqe të hapur në parkun nacional ne Prevallë, aktualisht janë në operacione për fikjen e zjarrit nga toka përveq Njësis Zjarrëfikjes dhe Shpëtimit nga Prizreni , edhe Njesite e Zjarrëfikjes dhe Shpëtimit nga Gjakova, Prishtina dhe Ferizaj.
Rrezik për jetë dhe pasuri të banorve në Prevallë nuk ka, deri sa përpjekjet për ta mbajtur në kontroll dhe lokalizuar zjarrin vazhdojne nga kapacitetet e komunës Prizrenit me Komunat në ndihme.
Prezent në operacion me mbështetje janë edhe Policia e Kosovës, pjestarët nga parku nacional Prevallë, Sherbimi Emergjent Mjeksor nga Prizreni”, vijon njoftimi.