Sulmuesi i Senegalit, Sadio Mane është jashtë Kupës së Botës për shkak të lëndimit, ka konfirmuar Federata e Futbollit të Senegalit, raportojnë mediat ndërkombëtare të sportit.
Sulmuesi i Bayern Munichut në fillim të javës ishte në dyshim se a do të mund të merrte pjesë në kampionatin botëror.
30-vjeçari pësoi një dëmtim në fibulën e djathtë në fitoren 6-1 të Bayernit në Bundesligë ndaj Werder Bremen të martën e kaluar.
Senegali tani ka konfirmuar se ai nuk do të jetë i aftë për të marrë pjesë në botëror. Kombi afrikan e nis fushatën e tyre në Kupën e Botës kundër Holandës të hënën, përpara se të përballet me Katarin dhe Ekuadorin.