Të mërkurën bëhen 15 vjet nga tragjedia e Gërdecit, ku humbën jetën 26 persona dhe 300 të tjerë u plagosën, pas shpërthimit në një depo të demontimit të municioneve.
Si pasojë e këtij shpërthimi ishin dëmtuar edhe qindra shtëpi që ishin përreth zonës në Gërdec.
Ngjarja e rëndë ndodhi të shtunën e 15 marsit të 2008-s, në një “fabrikë” për demontimin e armëve në fshatin afër Vorës, pikërisht në orën 12:05 të mesditës.
Sipas vendimit të gjykatës, ish-përgjegjësi i fabrikës së armëve të demontimit, që shpërtheu më 15 mars 2008 në Gërdec, u dënua me 18 vjet burgim, ish-drejtori i MEICO, po ashtu me 18 vjet burgim, ndërsa administratori i fabrikës Alba-Demil me 10 vjet burgim./KP