Këtë të shtunë mbushen 24 vjet nga “Dita e Martirëve” në Korishë, e njohur ndryshe si masakra e tmerrshme nga ushtria dhe policia serbe mbi popullsinë e pafajshme shqiptare të asaj ane.
Në këtë përvjetor të masakrës do të jetë i pranishëm dhe kryeministri Albin Kurti.
Kurti do të marrë pjesë dhe në zbulimin e shtatores së “Sali Shabanit”, te Memoriali i Martirëve në Korishë.
Ndryshe, më 13 maj 1999, është kryer masakra e tmerrshme nga ushtria dhe policia serbe mbi popullatën e kësaj ane dhe të fshatrave përreth, duke i ndalur civilët e fshatrave Korishë, Budakovë, Bllacë, Reshtan, Mushtisht dhe Grejkoc, duke vrarë 77 prej tyre. /KP